Superium პანაცეა კატის 2-8კგ

გამოყენება
პრეპარატი ენიშნებათ ზრდასრულ კატებს და კნუტებს შემდეგი დაავადებების პროფილაქტიკისა და მკურნალობის მიზნით:

• ექტოპარაზიტები: რწყილები (Ctenocephalides spp., Pulex irritans); ტილები (Linognathussetosus); მკბენარი (Trichodectes canin); სარკოპტიფორმული ტკიპები (Otodectescynotis, Notoedres cati, Sarcoptes canis); თრომბიდიფორმული ტკიპები (Demodexspp.)
• ენდოპარაზიტები: კუჭ-ნაწლავის ტრაქტის ნემატოდები (Toxocara cati, (Toxocara mystax)Toxascaris leonina, Ancylostoma spp., Uncinariaspp.)
• ცესტოდები პრეიმაგინალურ და იმაგინალურ სტადიაზე (Dipylidiumcaninum, Taenia spp., Mesocestoides spp.) და დაკავშირებული ინვაზიები
• რწყილების ალერგიული დერმატიტის (FAD) პროფილაქტიკა
• დიროფილარიოზის პროფილაქტიკა:Dirofilaria spp. (L3 და L4 სტადიების მიკროფილარიები).

დოზირება
პრეპარატი განკუთვნილია პერორალური მიღებისთვის (per os).
ტაბლეტებს აქვთ სასიამოვნო გემო და ადვილად იღებს ცხოველთა უმეტესობა, როცა მას პატრონი სთავაზობს.
თუ ცხოველი ნებაყოფლობით არ მიიღებს ტაბლეტს, შესაძლებელია ტაბლეტის საკვებთან ერთად მიღება ან პირდაპირ პირის ღრუში. ტაბლეტები არ უნდა გაიყოს. საჭიროა დაკვირვება, რომ ცხოველმა მიიღოს სრული დოზა. ცხოველს უნდა დააკვირდეთ მიღებიდან რამდენიმე წუთის განმავლობაში, რათა დარწმუნდეთ, რომ დოზის არც ერთი ნაწილი არ დაიკარგა ან ცხოველმა არ გადმოაგდო.
დოზის გამოტოვების შემთხვევაში, დაუყოვნებლივ მიეცით ცხოველს პრეპარატი და განაახლეთ ყოველთვიური დოზირების სქემა. კატებში პრეპარატი მიიღება პერორალურად საკვებთან ერთად ან იძულებით. ანტიპარაზიტული ტაბლეტები SUPERIUM პანაცეა კატებისთვის მიიღება 1 თვეში ერთხელ ყველა ზემოთ ჩამოთვლილი პარაზიტის წინააღმდეგ.
კატებში პრეპარატი გამოიყენება რწყილების, რწყილების ალერგიული დერმატიტის წინააღმდეგ თვეში ერთხელ, ეპიზოოტური მდგომარეობის მიხედვით. ტაბლეტების ერთჯერადი გამოყენება ხელს უშლის ხელახალ ინვაზიას 4-6 კვირის განმავლობაში ექტოპარაზიტების აქტივობის მთელი სეზონის განმავლობაში. პრეპარატის ინსექტიციდური მოქმედება ვლინდება 24 საათის შემდეგ, მაქსიმალურ დონეს აღწევს 48 საათის შემდეგ.
ოტოდექტოზის, ნოტოედროზის მკურნალობა: პრეპარატი მიიღება ერთჯერადად. პრეპარატი შეიძლება დაინიშნოს განმეორებით, პირველი დოზის მიღებიდან ერთი თვის შემდეგ, კლინიკური შეფასების შედეგების საფუძველზე.
სარკოპტოზის მკურნალობისას პრეპარატი გამოიყენება ყოველთვიურად ორი თვის განმავლობაში. პრეპარატის შემდგომი გამოყენება უნდა ეფუძნებოდეს კლინიკურ შეფასებას და კანის ნაცხის შედეგებს. დემოდეკოზის მკურნალობისას პრეპარატი გამოიყენება ყოველთვიურად, სანამ არ დაფიქსირდება კანის ნაცხის ორი უარყოფითი შედეგი, ერთი თვის ინტერვალით. დაავადების უფრო მწვავე შემთხვევებში პრეპარატის მიღება შეიძლება გაგრძელდეს.
ცხოველებში ჰელმინთოზის დროს სამკურნალო დანიშნულებით პრეპარატი გამოიყენება ჩვენებების მიხედვით ერთჯერადად; ძლიერი ინვაზიის შემთხვევაში რეკომენდებულია მკურნალობის განმეორება 10-14 დღის შემდეგ. პროფილაქტიკური მიზნით პრეპარატი გამოიყენება თერაპიული დოზით 3 თვეში ერთხელ.
დიროფილარიოზის პროფილაქტიკისთვის (მიკროფილარიის სტადიები L3 და L4) აუცილებელია პრეპარატის გამოყენება ყოველთვიურად (მინიმუმ 6 თვე), მკურნალობა უნდა დაიწყოს ფეხსახსრიანების აქტივობის სეზონის დაწყებამდე ერთი თვით ადრე და უნდა დასრულდეს მისი დასრულებიდან არა უადრეს ერთი თვისა (გაზაფხული-ზაფხული-შემოდგომის პერიოდი).
პრეპარატის დოზის გადაჭარბების შემთხვევაში ცხოველს შეიძლება განუვითარდეს დეპრესია, ღებინება, კუჭ-ნაწლავის ტრაქტის ფუნქციის დარღვევა. ამ შემთხვევაში ცხოველს ენიშნება ანტიჰისტამინური პრეპარატები და სიმპტომური თერაპია.
პრეპარატის მოქმედების განსაკუთრებული თვისებები მისი პირველი გამოყენებისას არ გამოვლენილა.

გვერდითი მოვლენები
იშვიათ შემთხვევებში პრეპარატმა შეიძლება გამოიწვიოს ნევროლოგიური მოვლენები, როგორიც არის კუნთების ტრემორი, კრუნჩხვები, დეპრესია, ღებინება, კუჭ-ნაწლავის ტრაქტის ფუნქციის დარღვევა, აქტიური ნივთიერებების მიმართ მგრძნობიარე ცხოველებში.

უკუჩვენებები

• არ გამოიყენოთ ცხოველებში, რომლებსაც აქვთ დადგენილი მომატებული ინდივიდუალური მგრძნობელობა პრეპარატის კომპონენტების მიმართ!
• არ გამოიყენოთ დასუსტებულ და ინფექციური დაავადებების მქონე ცხოველებში!
• არ გამოიყენოთ 0,5 კგ-ზე ნაკლები წონის კატებზე.
• არ გამოიყენება მდედრ ცხოვლებში მაკეობისა და ძუძუთი კვების პერიოდში. მაკეობისა და ძუძუთი კვების პერიოდში პრეპარატის გამოყენების შესაძლებლობას განსაზღვრავს ვეტერინარი შესაძლო რისკების გათვალისწინებით.
• არ გამოიყენოთ სხვა ანტიპარაზიტულ პრეპარატებთან ერთად.